Onion Glory: ಈರುಳ್ಳಿಯ ಅದ್ಭುತ Home Advice and Tips!

ಭಾರತೀಯ ಅಡುಗೆಮನೆಯಲ್ಲಿ ಈರುಳ್ಳಿ ಇಲ್ಲದ ದಿನವನ್ನು ಕಲ್ಪಿಸಿಕೊಳ್ಳುವುದು ಕಷ್ಟ. “ಆಗರ್ಭ ಶ್ರೀಮಂತನಿರಲಿ, ಬಡವನಿರಲಿ—ಈರುಳ್ಳಿ ಪ್ರತಿಯೊಬ್ಬರ ಅಡುಗೆಮನೆಯ ರಾಜ”. ಆದರೆ ಈರುಳ್ಳಿ ಕೇವಲ ರುಚಿ ಹೆಚ್ಚಿಸುವ ತರಕಾರಿಯಷ್ಟೇ ಅಲ್ಲ, ಅದೊಂದು ಅದ್ಭುತ ಔಷಧೀಯ ಸಸ್ಯ. ನಮ್ಮ ಸನಾತನ ಸಾಂಪ್ರದಾಯಿಕ ವೈದ್ಯ ಪದ್ಧತಿಯಲ್ಲಿ ಮತ್ತು ಗೃಹ ವೈದ್ಯದಲ್ಲಿ ಈರುಳ್ಳಿಗೆ ಅತ್ಯಂತ ಉನ್ನತ ಸ್ಥಾನವಿದೆ.

ಈರುಳ್ಳಿಯ ರಹಸ್ಯ ಮತ್ತು ವಿಶೇಷತೆ

ಈರುಳ್ಳಿಯಲ್ಲಿ ‘ಕ್ವೆರ್ಸೆಟಿನ್’ (Quercetin) ಎಂಬ ಪ್ರಬಲ ಆಂಟಿ-ಆಕ್ಸಿಡೆಂಟ್, ಸಲ್ಫರ್ (ಗಂಧಕ), ವಿಟಮಿನ್ C, ವಿಟಮಿನ್ B6, ಪೊಟ್ಯಾಶಿಯಂ ಮತ್ತು ಫೈಬರ್ ಹೇರಳವಾಗಿದೆ. ಇದರ ಘಾಟು ವಾಸನೆಗೆ ಕಾರಣವಾಗುವ ಸಲ್ಫರ್ ಅಂಶವೇ ಇದರ ಮೂಲ ಶಕ್ತಿ. ಇದು ಉರಿಯೂತ ಶಮನಕಾರಿ (Anti-inflammatory) ಹಾಗೂ ಬ್ಯಾಕ್ಟೀರಿಯಾ ವಿರೋಧಿ (Antibacterial) ಗುಣಗಳನ್ನು ಹೊಂದಿದ್ದು, ದೇಹದ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ನೆರವಾಗುತ್ತದೆ.

ಹಿಂದಿನ ಕಾಲದಲ್ಲಿ ಈರುಳ್ಳಿಯ ಬಳಕೆ ಮತ್ತು ಟಿಪ್ಸ್‌ಗಳು

ಹಿಂದಿನ ಕಾಲದಲ್ಲಿ ವೈದ್ಯಕೀಯ ಸೌಲಭ್ಯಗಳು ತಕ್ಷಣಕ್ಕೆ ಸಿಗದಿದ್ದಾಗ, ನಮ್ಮ ಹಿರಿಯರು ಈರುಳ್ಳಿಯನ್ನೇ ಪ್ರಥಮ ಚಿಕಿತ್ಸೆಯಾಗಿ ಬಳಸುತ್ತಿದ್ದರು:

ಕಾಲುಗಳ ಅಡಿಯಲ್ಲಿ ಈರುಳ್ಳಿ ಚೂರು ಇಡುವುದು: ರಾತ್ರಿ ಮಲಗುವಾಗ ಈರುಳ್ಳಿಯ ತುಂಡನ್ನು ಸಾಕ್ಸ್‌ನಲ್ಲಿ ಕಾಲಿನ ಅಡಿಗೆ ಇಟ್ಟುಕೊಳ್ಳುತ್ತಿದ್ದರು. ಇದು ರಕ್ತವನ್ನು ಶುದ್ಧೀಕರಿಸುತ್ತದೆ ಮತ್ತು ಶರೀರದ ವಿಶ್ರಾಂತಿಗೆ ಸಹಕಾರಿ ಎಂಬ ನಂಬಿಕೆ ಇತ್ತು.
ಸೂರ್ಯಾಘಾತ ಮತ್ತು ಶಾಖ ತಡೆಗಟ್ಟಲು: ಬೇಸಿಗೆಯಲ್ಲಿ ಹೊಲ-ಗದ್ದೆಗಳಲ್ಲಿ ಕೆಲಸ ಮಾಡುವಾಗ ರೈತರು ಜೇಬಿನಲ್ಲಿ ಒಂದು ಸಣ್ಣ ಈರುಳ್ಳಿಯನ್ನು ಇಟ್ಟುಕೊಳ್ಳುತ್ತಿದ್ದರು. ಇದು ದೇಹದ ತಾಪಮಾನವನ್ನು ಸಮತೋಲನದಲ್ಲಿಡಲು ಹಾಗೂ ಸೂರ್ಯಾಘಾತದಿಂದ (Sunstroke) ರಕ್ಷಿಸಲು ನೆರವಾಗುತ್ತಿತ್ತು.
ಸೊಂಕು ಮತ್ತು ಬ್ಯಾಕ್ಟೀರಿಯಾ ತಡೆ: ಮನೆಯ ಮೂಲೆಗಳಲ್ಲಿ ಈರುಳ್ಳಿಯನ್ನು ಹೆಚ್ಚಿ ಇಡುತ್ತಿದ್ದರು. ಇದು ಗಾಳಿಯಲ್ಲಿರುವ ಬ್ಯಾಕ್ಟೀರಿಯಾ ಮತ್ತು ವೈರಸ್‌ಗಳನ್ನು ಹೀರಿಕೊಂಡು ವಾತಾವರಣವನ್ನು ಶುದ್ಧಗೊಳಿಸುತ್ತದೆ ಎಂಬ ನಂಬಿಕೆ ಇತ್ತು.
ಚೇಳು, ಜೇನು ನೊಣ ಕಡಿದಾಗ: ಯಾವುದೇ ಕೀಟ ಕಡಿದ ತಕ್ಷಣ ಈರುಳ್ಳಿ ರಸವನ್ನು ಆ ಜಾಗಕ್ಕೆ ಉಜ್ಜುತ್ತಿದ್ದರು. ಇದರಿಂದ ವಿಷದ ಪ್ರಭಾವ ಮತ್ತು ಉರಿ ತಕ್ಷಣವೇ ಕಡಿಮೆಯಾಗುತ್ತಿತ್ತು.
ತೀವ್ರ ಜ್ವರ ಮತ್ತು ಕೆಮ್ಮು: ಜ್ವರ ಬಂದಾಗ ಈರುಳ್ಳಿ ಬಿಲ್ಲೆಗಳನ್ನು ಪಾದಗಳಿಗೆ ಹಾಗೂ ಹೊಸದಾಗಿ ಜಜ್ಜಿದ ಈರುಳ್ಳಿ ರಸವನ್ನು ಎದೆಗೆ ಹಚ್ಚಿ ಉಪಶಮನ ಪಡೆಯುತ್ತಿದ್ದರು.
ಪ್ರಾಚೀನ ಕಾಲದಿಂದಲೂ ಈರುಳ್ಳಿ ಬಳಕೆಯಲ್ಲಿದೆ. ಇದು ಅದ್ಭುತ ವೈದ್ಯಕೀಯ ಗುಣಗಳಿಂದ ಕೂಡಿದೆ. ಸಾವಿರಾರು ವರ್ಷಗಳ ಹಿಂದೆಯೇ ತಮ್ಮ ಪೂರ್ವಜರು ಇದರ ಏಕಾಣು ಜೀವನಾಶಕ ಶಕ್ತಿಯನ್ನು ಕಂಡು ಹಿಡಿದಿದ್ದರು. ಲಂಡನ್ನಿನಲ್ಲೊಮ್ಮೆ ಭಯಂಕರ ಪ್ಲೇಗು ಪಿಡುಗಿನಿಂದ ಸಾವಿರಾರು ಜನ ಮೃತರಾದರು. ಆಶ್ಚರ್ಯದ ಸಂಗತಿ ಎಂದರೆ ಈರುಳ್ಳಿ ಹಾಗೂ ಬೆಳ್ಳುಳ್ಳಿ ಅಂಗಡಿಗಳಿದ್ದವರಿಗೆ ಈ ರೋಗ ತಗುಲಿರಲಿಲ್ಲ.
ನೆಗಡಿಯಾದಾಗ ಈರುಳ್ಳಿಯ ರಸವನ್ನು ಹಿಂಡಿ, ಆ ರಸದಲ್ಲಿ ಹತ್ತಿಯನ್ನು ನೆನಸಿ ಮೂಗಿನ ಹೊಳ್ಳೆಯಲ್ಲಿ ದಿನಕ್ಕೆ ಎರಡು – ಮೂರು ಬಾರಿ ಐದು ಹತ್ತು ನಿಮಿಷಗಳ ಕಾಲ ಇಟ್ಟುಕೊಂಡರೆ ನೆಗಡಿ ದೂರವಾಗುತ್ತದೆ. ಪ್ರತಿದಿನ ಊಟದೊಡನೆ ಹಸಿ ಈರುಳ್ಳಿ ತಿನ್ನುವುದು ಒಳ್ಳೆಯದು. ಇದರಿಂದ ಕಣ್ಣು ನೋವು, ತಲೆನೋವು ಮಾಯವಾಗುತ್ತದೆ. ಇದರಲ್ಲಿ ಕಬ್ಬಿಣದ ಅಂಶವಿರುವುದರಿಂದ ರಕ್ತವೃದ್ಧಿಗೆ ಒಳ್ಳೆಯದು.
ಪ್ರತಿನಿತ್ಯ ಹಸಿ ಈರುಳ್ಳಿ ಸೇವನೆಯಿಂದ ಹೃದ್ರೋಗ ದೂರವಾಗುತ್ತದೆ. ಇದರಲ್ಲಿ ಬಿ ಮತ್ತು ಸಿ ಜೀವ ಸತ್ವಗಳು, ಸಸಾರ ಜನಕ. ಕ್ಯಾಲ್ಸಿಯಂ ರಂಜಕ ಮತ್ತು ಕಬ್ಬಿಣದ ಅಂಶಗಳಿವೆ. ಇದು ಮನ ಔಷಧಿಯೆಂದು ಹೇಳಬಹುದು.

ಇಂದಿನ ಕಾಲಕ್ಕೆ ಈರುಳ್ಳಿಯ ಉಪಯುಕ್ತ ಟಿಪ್ಸ್‌ಗಳು

ಇಂದಿನ ಆಧುನಿಕ ಜೀವನಶೈಲಿಯಲ್ಲಿ ಈರುಳ್ಳಿಯನ್ನು ಅತ್ಯಂತ ಸರಳವಾಗಿ ಮತ್ತು ಪರಿಣಾಮಕಾರಿಯಾಗಿ ಹೇಗೆ ಬಳಸಬಹುದು ಎಂಬುದು ಇಲ್ಲಿದೆ:

ಸೌಂದರ್ಯ ಮತ್ತು ಕೂದಲು ಆರೈಕೆ (Beauty & Hair Care)

ಕೂದಲು ಉದುರುವಿಕೆ ತಡೆಗೆ: ಈರುಳ್ಳಿ ರಸವನ್ನು ತಲೆಯ ನೆತ್ತಿಗೆ ಹಚ್ಚಿ 20-30 ನಿಮಿಷಗಳ ನಂತರ ಮೈಲ್ಡ್ ಶಾಂಪೂವಿನಿಂದ ತಳೆದರೆ ಕೂದಲು ಉದುರುವುದು ಕಡಿಮೆಯಾಗಿ, ಹೊಸ ಕೂದಲು ಬೆಳೆಯಲು (Hair Regrowth) ನೆರವಾಗುತ್ತದೆ.
ಮೊಡವೆ ಮತ್ತು ಕಲೆಗಳ ನಿವಾರಣೆ: ಈರುಳ್ಳಿ ರಸಕ್ಕೆ ಸ್ವಲ್ಪ ಜೇನುತುಪ್ಪ ಬೆರೆಸಿ ಮುಖದ ಮೇಲಿನ ಕಲೆಗಳಿಗೆ ಹಚ್ಚಿದರೆ ಬ್ಯಾಕ್ಟೀರಿಯಾ ನಶಿಸಿ ಚರ್ಮ ಕಾಂತಿಯುತವಾಗುತ್ತದೆ.
ತಲೆಹೊಟ್ಟು ನಿವಾರಣೆಗೆ: ಈರುಳ್ಳಿ ರಸಕ್ಕೆ ಸ್ವಲ್ಪ ಮೆಂತ್ಯ ಹಿಟ್ಟು ಅಥವಾ ಅಲೋವೆರಾ ಜೆಲ್ ಬೆರೆಸಿ ತಲೆಗೆ ಹಚ್ಚಿದರೆ ತಲೆಹೊಟ್ಟು (Dandruff) ಮತ್ತು ನೆತ್ತಿಯ ತುರಿಕೆ ಸಂಪೂರ್ಣ ಶಮನವಾಗುತ್ತದೆ.

ಗೃಹ ವೈದ್ಯ ಮತ್ತು ಆರೋಗ್ಯ ಸಲಹೆಗಳು (Health Tips)

ಸೈನಸೈಟಿಸ್ ಮತ್ತು ಮೂಗು ಕಟ್ಟುವಿಕೆ: ಈರುಳ್ಳಿ ಜಜ್ಜಿದಾಗ ಬರುವ ಘಾಟು ವಾಸನೆಯನ್ನು ಆಘ್ರಾಣಿಸುವುದರಿಂದ ಮೂಗಿನ ಹಾದಿ ತೆರೆದು ಶೀತ, ಮೂಗು ಕಟ್ಟುವಿಕೆಯಿಂದ ತಕ್ಷಣದ ಉಪಶಮನ ಸಿಗುತ್ತದೆ.
ಕಫ ಮತ್ತು ಕೆಮ್ಮು: ಈರುಳ್ಳಿ ರಸ ಮತ್ತು ಜೇನುತುಪ್ಪವನ್ನು ಸಮಪ್ರಮಾಣದಲ್ಲಿ ಬೆರೆಸಿ ದಿನಕ್ಕೆ 2 ಬಾರಿಯಂತೆ ಸೇವಿಸಿದರೆ ದೀರ್ಘಕಾಲದ ಕೆಮ್ಮು ಮತ್ತು ಗಂಟಲು ಕಿರಿಕಿರಿ ಶಮನವಾಗುತ್ತದೆ.
ಕಿವಿ ನೋವಿಗೆ ಪರಿಹಾರ: ಈರುಳ್ಳಿಯನ್ನು ಸುಟ್ಟು ಅಥವಾ ಬಿಸಿ ಮಾಡಿ ಅದರ ರಸದ ಒಂದೆರಡು ಹನಿಯನ್ನು ಉಗುರುಬೆಚ್ಚಗಿರುವಾಗ ಕಿವಿಗೆ ಹಾಕಿದರೆ ಕಿವಿ ನೋವು ತಕ್ಷಣ ಶಮನವಾಗುತ್ತದೆ.
ಜೀರ್ಣಕ್ರಿಯೆ ಹಾಗೂ ರಕ್ತದ ಸಕ್ಕರೆ ನಿಯಂತ್ರಣ: ಹಸಿ ಈರುಳ್ಳಿಯನ್ನು ಸಾಲಡ್ ರೂಪದಲ್ಲಿ ಬಳಸುವುದರಿಂದ ಅದರಲ್ಲಿರುವ ಪ್ರಿಬಯೋಟಿಕ್ ಅಂಶಗಳು ಕರುಳಿನ ಆರೋಗ್ಯವನ್ನು ಕಾಪಾಡುತ್ತವೆ ಹಾಗೂ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಂತ್ರಿಸಲು ನೆರವಾಗುತ್ತವೆ.

ಮನೆಬಳಕೆ ಮತ್ತು ಪರಿಹಾರಗಳು (Household Hacks)

ಪಾತ್ರೆಗಳ ತುಕ್ಕು ಮತ್ತು ಜಿಡ್ಡು ತೆಗೆಯಲು: ಗ್ರಿಲ್ ಅಥವಾ ಕಬ್ಬಿಣದ ಪಾತ್ರೆಗಳ ಮೇಲಿನ ಜಿಡ್ಡನ್ನು ಈರುಳ್ಳಿ ತುಂಡಿನಿಂದ ಉಜ್ಜಿ ಸುಲಭವಾಗಿ ತೆಗೆಯಬಹುದು.
ಮಿಕ್ಸಿ ಮತ್ತು ಚಾಕು ಚುರುಕುಗೊಳಿಸಲು: ಈರುಳ್ಳಿಯನ್ನು ಕತ್ತರಿಸುವುದರಿಂದ ಚಾಕುವಿನ ಅಂಚುಗಳು ಮತ್ತು ಮಿಕ್ಸಿ ಜಾರ್ ಕಡ್ಡಿಗಳು ಶುಚಿಯಾಗುತ್ತವೆ.
ಆಭರಣಗಳ ಹೊಳಪಿಗೆ: ಬೆಳ್ಳಿ ಆಭರಣಗಳನ್ನು ಈರುಳ್ಳಿ ರಸದಿಂದ ಒರೆಸಿದರೆ ಅವುಗಳ ಮೇಲಿನ ಕಪ್ಪು ಕಲೆಗಳು ನಿವಾರಣೆಯಾಗಿ ಹೊಳಪು ಮರಳುತ್ತದೆ.
ಗಾಜಿನ ಕಿಟಕಿಗಳ ನೈರ್ಮಲ್ಯ: ಕಿಟಕಿ ಗಾಜುಗಳ ಮೇಲಿನ ಕಲೆಗಳನ್ನು ತೆಗೆಯಲು ಈರುಳ್ಳಿ ರಸವನ್ನು ನೀರಿನಲ್ಲಿ ಬೆರೆಸಿ ಒರೆಸಿದರೆ ಗಾಜು ಸ್ಪಷ್ಟವಾಗಿ ಮಿಂಚುತ್ತದೆ.

ಅತ್ಯಗತ್ಯ ಮುನ್ನೆಚ್ಚರಿಕೆಗಳು

ಹಸಿ ಈರುಳ್ಳಿಯನ್ನು ಕತ್ತರಿಸಿ ಗಂಟೆಗಟ್ಟಲೆ ತೆರೆದಿಟ್ಟು ನಂತರ ಸೇವಿಸಬಾರದು. ಇದು ಗಾಳಿಯಲ್ಲಿರುವ ಬ್ಯಾಕ್ಟೀರಿಯಾಗಳನ್ನು ಬೇಗನೇ ಹೀರಿಕೊಳ್ಳುತ್ತದೆ.
ತೀವ್ರ ಪ್ರಮಾಣದ ಅಸಿಡಿಟಿ ಅಥವಾ ಗ್ಯಾಸ್ಟ್ರಿಕ್ ಸಮಸ್ಯೆಯಿರುವವರು ಹಸಿ ಈರುಳ್ಳಿಯನ್ನು ಸೀಮಿತ ಪ್ರಮಾಣದಲ್ಲಿ ಸೇವಿಸುವುದು ಒಳ್ಳೆಯದು.
ಈರುಳ್ಳಿಯನ್ನು ಪ್ಲಾಸ್ಟಿಕ್‌ ಕವರ್‌ನೊಳಗೆ ಹಾಕಿಡಬಾರದು. ಈರುಳ್ಳಿ ಕೆಡದಂತೆ ಉಳಿಯಬೇಕಾದರೆ ಮುಚ್ಚಿಡುವುದಕ್ಕಿಂತ ತೆರೆದಿಟ್ಟರೆ ಈರುಳ್ಳಿ ಹೆಚ್ಚು ಕಾಲ ಉಳಿಯುತ್ತದೆ.

ಈರುಳ್ಳಿ ಕೇವಲ ಅಡುಗೆಯ ರುಚಿ ಹೆಚ್ಚಿಸುವ ತರಕಾರಿಯಲ್ಲ, ಬದಲಿಗೆ ಸಾಂಪ್ರದಾಯಿಕ ಮತ್ತು ಆಧುನಿಕ ಜೀವನಶೈಲಿಗೆ ಒದಗಿಬರುವ ಅತ್ಯುತ್ತಮ ಪ್ರಾಕೃತಿಕ ಸಂಪತ್ತು. ಹಿರಿಯರ ಅನುಭವದ Home Advice ಮತ್ತು ಇಂದಿನ ಸೈನ್ಸ್ ಎರಡೂ ಈರುಳ್ಳಿಯ ಅದ್ಭುತ ಮಹಿಮೆಯನ್ನು ಎತ್ತಿಹಿಡಿದಿವೆ.